Italia ka në radhët e veta futbollistë të natyralizuar siç janë Thiago Motta apo sulmuesi Eder.

Por në Kampionatin evropian ka mundur të jetë edhe një futbollistë tjetër brazilian me azzurrët.

Fjala është për mbrojtësin e Torinos, Bruno Peres të cilit iu është kërkuar natyralizimi.

Vetë braziliani e ka pranuar këtë gjë duke treguar edhe arsyejen se pse e refuzoi Italinë.

“Kam marrë një thirrje për tu natyralizuar dhe për ta veshur fanellën Italisë. E kam refuzuar këtë kërkesë pasi mendoj që një ditë ta veshi fanellën e vendit tim”, ka deklaruar Peres.

Mbrojtësi anësor është ndër më të vlerësuarit në Evropë për pozitën e tij, ndërsa ai pritet të largohet këtë verë nga Torino.

Për t’i siguruar shërbimet e tij favorit mbetet Roma, por në garë janë edhe skuadrat tjera të mëdha si Bayern Munich, Chelsea, Manchester City e Barcelona.
/Telegrafi/