Një medium i udhëhequr nga Shteti Islamik (ISIS) thotë se njeriu i cili qëndron prapa sulmit me kamion në qytetin bregdetar francez, Nice, është ushtari i saj.

Agjencia e lajmeve “Aamaq” i ka cituar sot “burimet e sigurisë” duke thënë se sulmuesi “kreu sulmin duke iu përgjigjur thirrjeve për t’i sulmuar qytetarët e vendeve të koalicionit që po e lufton Shtetin Islamik”, përcjell Express.

Komunikata nuk e ka përmendur emrin e sulmuesit, ndërsa gjuha e përdorur në të lë të kuptohet se sulmuesi mund të ketë vepruar në mënyrë të pavarur.

Nuk ka dëshmi se ISIS ka qenë i përfshirë në planifikimin e sulmit të 14 korrikut në Nice. Nga ky sulm u vranë 84 njerëz dhe u lënduan 200 të tjerë.

/Gazeta Express/