Më datë 27 korrik, 40 minuta pas mesnatës në bulevardin “Boris Trajkovski” ka ndodhur një aksident trafiku, me ç’rast një veturë “BMW”, me targa të Shkupit, e drejtuar nga personi M.D. (43) dhe një motoçiklete Honda e drejtuar nga S.A. nga Shkupi, transmeton Gazeta Lajm”.

Në këtë aksident, S.A. ka marrë lëndime të rënda trupore dhe gjendet në rrezik jete. Sipas komenteve në rrjetet sociale, shoferi i veturës është ish truproja e Nikolla Gruevskit, Dejan Mitrevski-Urko, shkruan mkd.mk.

S.A. është dërguar në gjendje të rëndë në Spitalin e qytetit në Shkup. Ai është jokontaktibil dhe në rrezik jete. Dëshmitarë të rastit kanë thënë se aksidenti ka ndodhur në momentin kur Urko ka dashur të bëjë kthesë-gjysmërreth në linjë të dyfishtë të plotë, duke u përplasur me motoçikletën që ka ardhur nga drejtimi i kundërt dhe të dy bashkë kanë përfunduar në një shitore rreth rrugës.