Është regjistruar edhe barazimi i dhjetë i Interit këtë sezon në Serie A. Zikaltrit luajtën me rezultat 1-1 kundër Cesenas në Giuseppe Meazza.
Nerrazzurrët luajtën mirë në gjysmën e parë, megjithatë ishin mysafirët ata që shënuan. Gregorie Defrel realizoi një gol të bukur (30’).
Futbollisti shqiptar, Xherdan Shaqiri, u lëndua në minutat e para të takimit, ashtu që u desh ta lëshonte fushën dhe vendin e tij e zuri Mateo Kovacic (24’).
Porsa filloi pjesa e dytë, rezultati u barazua. Mauro Icardi harkoi nga e djathta, ndërsa Rodrigo Palacio ishte i saktë nga afërsia (48’).
Nikoqirët ishin shumë më të mirë në gjysmën e dytë, krijuan shumë raste, por dështuan të shënonin. Nga to, përmendim goditjen e shtyllës nga Podolski.
Interi është në vend të shtatë në tabelë me pikë të barabarta me Genoan që gjendet një vend më poshtë dhe ka një ndeshje më pak të zhvilluar. /Telegrafi/