Gianluca Pagliuca beson se Interi mund ta fitojë Scudetton, por thotë se Juventusi mbetet në garë për titull.

Nerazzurrët janë në krye të tabelës së bashku me Fiorentinan, mirëpo kanë shënuar vetëm 12 gola në 12 ndeshjet e para në Serie A.

“Krahasuar me Fiorentinan, Napolin dhe Romën, Interi ka lojtarë më të fortë me karakteristika të ndryshme”.

“Nuk bën futboll të bukur, por ekipi i Mancinit është praktik dhe është padyshim një ndër skuadrat që mund ta fitojnë Scudetton”.

“Juventusi? Bianconerët janë akoma në garë për titull, ata janë nëntë pikë prapa Fiorentinas dhe Interit, por Juventusi është i aftë për gjithçka”.

“Interi, Roma, Napoli dhe Fiorentina janë favoritë, por ekipi i Allegrit mund të ketë një gjysmë të dytë të mirë për ta mbyllur sezonin në mënyrë të shkëlqyer”, ka deklaruar Pagliuca për EuropaCalcio. /Telegrafi/