Ish presidenti i Interit, Massimo Moratti, ka folur për derbin “Della Madonnina”, që zhvillohet sot nga ora 12:30, transmeton Gazeta Express.

Moratti beson se Interi është favorit dhe në rast fitores në derbin e sotëm, do të rrëmbejë pozitën e gjashtë, që mbahet pikërisht nga Milani.

“Favorit? Nëse i krahasojmë dy ekipet nga jashtë, Interi duket më i mirë se Milani”, u përgjigj Moratti për “Sky Sport Italia”.

“Pioli është trajner shumë i mirë, pavarësisht se momentalisht nuk po kalojnë nëpër një formë të mirë”, shtoi ai.

“Montella? Më pëlqen. Ai po e kryen punën e tij si është më së miri, pavarësisht mungesave”, theksoi mes tjerash Moratti për “Sky Sport Italia”. /Express/