Mediat italian shkruajnë sot se Interi ka arritur marrëveshje për transferimin e mesfushorit të Sampdorias, Roberto Soriano.

Nerazzurrët janë në prite që të largohet kolumbiani Fredy Guarin, drejt Kinës, pasi për të ka një ofertë prej 18 milionë eurosh.

Por ndalimi i transferimit të Luiz Adrianos drejt Kinës, ka bërë që të ketë dyshime edhe për Guarinin.

Gazzetta dello Sport shkruan se drejtori sportiv Piero Ausilio është takuar me agjentin e Sorianos ku është arritur një marrëveshje për pagën e lojtarit për 1. 6 milionë euro.

Sampdoria duhet të bindet me një ofertë prej 15 milionë euro. /Telegrafi/