Interi i refuzon dy oferta të majme për yllin e skuadrës

PUBLIKUAR

Interi i ka refuzuar ofertat nga gjigantët e Premierligës, Manchester City dhe Manchester Unitedi për mbrojtësin e talentuar, Milan Skriniar.

Qendërmbrojtësi sllovak pati një sezon debutues mjaft mbresëlënës pasi iu bashkua zikaltërve nga Sampdoria verën e kaluar, prandaj edhe ka marrë oferta nga klubet më të mëdha evropiane, transmeton Gazeta Express.

Edhe vetë lojtari insistoi javën e kaluar se do të dëshironte të qëndronte në Inter dhe tani Corriere della Sport raporton se të dy klubeve nga Mançesteri u janë refuzuar ofertat.

Sipas gazetës italiane, City dhe United kanë bërë oferta prej 60 milionë euro për Skriniarin, duke shpresuar ta shfrytëzojnë situatën e Financiar Fair Play të Interit.

Interit i duhet të mbledhë të hyra në vlerë rreth 40 milionë euro të paktën deri më 30 qershor për ta shmangur shkeljen e marrëveshjes me UEFA-n.

Megjithatë, të dy ofertat janë hedhur poshtë menjëherë, pasi Skriniar konsiderohet i pashitshëm. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...