Pasi dështoi për të sjellë në Milano Nainggolanin, Vidalin apo Pastoren, Interi duket se ka gjetur përforcimin e duhur për të mbështetur Icardin në sulm. Bëhet fjalë për armenin e Manchester Unitedit, Henrikh Mkhitaryan
Sipas Daily Star, Mkhitaryan nuk po gjen hapësirë në skuadrën e Jose Mourinhos dhe po mendon largimin gjatë janarit.
Trajneri i Interit, Luciano Spalletti nuk e ka fshehur nevojën për një element kualitativ në atë pozicion, që mund t’i shërbejë më shumë lojës së kapitenit Mauro Icardi.
Si pjesë të marrëveshjes Interi mund të përfshijë mesfushorin Joao Mario, që dëshiorn po ashtu të largohet nga Giusseppe Meazza.
Në 7 ndeshjet e fundit të Manchester United, armeni nuk ka luajtur asnjë minutë në 6 prej tyre. /Express/
