Interi do të tentojë që ta blejë mesfushorin belg të Romës, Radja Nainggolan, gjatë afatit kalimtar të verës.
Raportohet se Inter është i gatshëm t’i forojë Romës një shumë të majme parash për t’ia rrëmbyer super-yllin e mesfushës, transmeton Express.
Nainggolan i shënoi dy gola të mahnitshëm pikërisht kundër Interit në derbin e javës në Serie të dielën e kaluar.
Sipas Calciomercato.com, kjo nuk është hera e parë që Inter e kërkon 28-vjeçarin, pasi veren që shkoi oferta e tyre ishte refuzuar nga Roma.
Thuhet se Interi kishte ofruar 35 milionë euro plus bonuse për Nainggolan, por Roma kishte refuzuar pasi që e kishte shitur Miralem Pjanicin te Juventus./Express/
