Me rastin e fillimit të vitit shkollor 2014/2015, kryetari i Komunës së Lipjanit, Imri Ahmeti, uron gjithë nxënësit dhe mësimdhënësit e shkollave fillore dhe të mesme në Lipjan.

“ Uroj një vit të mbarë dhe të suksesshëm për mësimdhënësit dhe nxënësit e shkollave fillore dhe të mesme, uroj me pozitivitet të plotë dhe përkushtim të vazhdueshëm këtë fillimvit, drejt realizimit të objektivave tona arsimore, si baza më e fuqishme e përkushtimit tonë ” , është shprehur kryetari Ahmeti.

Kryetari Ahmeti, po ashtu ka theksuar se është bë përpjekje e vazhdueshme që shkalla e arsimit të shtoi progres në Komunën e Lipjanit. Ai në këtë rast, ka falënderuar edhe Drejtorinë e Arsimit për punën dhe përkushtimin e vazhdueshëm që po bën.

“ Janë bërë dhe po bëhen çdo ditë angazhime për investime shtesë të domosdoshme në mënyrë që të ngritët niveli dhe cilësia e kuadrit profesional, në mënyrë që të shtohet sukses i nxënësve në shkollat tona”, ka thënë Ahmeti, derisa po uronte nxënësit dhe mësimdhënësit lipjanas.