Pas 8 muajsh prej se është dizajnuar dhe ka nisur punën koalicioni qeverisës në Lipjan LDK, NISMA, AKR dhe AAK, Imri Ahmeti, kryetar i kësaj komune me gjasë ka planifikuar që të bëjë ndryshime në disa drejtori komunale. Ndërsa opozita kërkon shkarkimin e Ekzekutivit.
Një burim jozyrtar i KD-së ka thënë në kushte anonimiteti se kreu komunal, Ahmeti, është duke e menduar seriozisht ndërrimin e së paku të 3 të emëruarve të tij politikë.
“Duket se kryetari ka pritur më shumë nga të emëruarit e tij, sepse në këtë koalicion partnerët tanë kanë hyrë me shumë entuziazëm për të bërë punë. Nuk dihen arsyet të gjitha pse ka nevojë për një ristrukturim, por për kryetarin është shumë i nevojshëm ristrukturimi në së paku tri drejtori”, ka thënë burimi, ndërsa nuk janë saktësuar se cilat nga drejtoritë mund të preken. (Më shumë sot në Koha Ditore)
