Imami i xhamisë së Lipjanit, Skender Mehmeti , me rastin e 12-të vjetorit të Pavarësisë së Kosovës, uron gjithë qytetarët e Komunës së Lipjanit dhe shqipëtarët kudo qe janë në prag të kësaj date të rëndësishme.

Vëllëzër e motra!
Kam kënaqësinë, që me rastin e 17 shkurtit 12-të vjetorit të Pavarësisë së vendit, të gjithë shqiptarëve kudo qe janë, të ju uroj festën e 17 shkurtit ditës së Pavarsisë.
Besimtar të nderuat ju uroj 12 vjetorin e pavarësisë së vendit tonë të dashur, Kosovës, duke e lutur Zotin xh.sh. që Mëshira e Tij të jetë mbi të gjithë ata dëshmorë, invalidë e ushtarë që e shkruan historinë tonë me gjakun e tyre të njom, që ne sot të jemi të lirë.
Nuk duhet harruar, asnjëher kontributin e madh të Shteteve te Bashkuara të Amerikës, dhe shteteve të tjera mike që iu gjinden Kosovës në ditët më të vështira, dhe në vazhdimësi ndihma dhe përkrahja e tyre është e nevojshme për integrimin e Kosovës në familjen e madhe evropiane.
Kontribut të madh për liri dhe pavarësi ka dhënë edhe Bashkësia Islame e Kosovës me të gjithë mekanizmat e vet, lutemi t’i shpërblejë Zoti me gradën e shehidllëkut 37 hoxhollar –imam që ranë dëshmor në radhët e ushtrisë së lavdishme, Ushtrisë çlirimtare të Kosovës.
Kosova e pavarur, sot feston Ditëlindjen e 12-të, të saj, për të cilën ditë u derdh shumë gjak e djersë.
Zoti e bekoftë shtetin e Kosovës!
Kënaqësia e Tij qoftë mbi ata që punojnë për të mirën e këtij shteti..