Deputeti i Lëvizjes Vetëvendosjes, Ilir Deda, thotë se “krizën që e krijuam vet duhet ta zgjidhim vet, me vendim të përbashkët për zgjedhje të parakohshme”.

“Nuk ka arsye që liderët e partive të mos flasin. Tekefundit, biseda nuk do të thotë edhe marrëveshje. Takimi i nesërm te Presidetja Jahjaga është mundësi e mirë që t’i thuhet direkt Thaçit e Mustafës që e kanë shkelë Kushtetutën, që duhet të japin dorëheqje dhe të ofrohet data e zgjedhjeve të parakohshme. Gjithashtu, mund të kërkohet që Presidenti i ardhshëm të zgjidhet nga qytetarët, e jo në Kuvend. Mund edhe të vendoset që këto biseda liderësh të zgjasin deri me 15-16 shkurt, që të ketë presion kohor për zgjidhje. Dhe, kështu, para 17 shkurtit të shihet qartë kush nuk do marrëveshje. Edhe armiqtë pas luftës flasin, e ne krizën që e krijuam vet duhet ta zgjidhim vet, me vendim të përbashkët për zgjedhje të parakohshme”, ka shkruar Deda në profilin e tij në Facebook. /Telegrafi/