Mauro Icardi ka këmbëngulur se, edhe pse sezoni i kaluar nuk ka qenë aspak i lehtë për të në Inter, ai ia ka dalë t’i luajë shumë ndeshje dhe të shënojë shumë gola.
Icardi refuzoi të luante për skuadër pasi iu mor shiriti i kapitenit në muajin shkurt, por prapëseprapë e mbylli sezonin e kaluar me 17 gola në 37 ndeshje për zikaltrit, transmeton Gazeta Express.
“E vërtetë, sezoni i kaluar nuk ka qenë i lehtë, edhe pse kam pasur rastin të luaj shumë lojë dhe të shënoj shumë gola”, tha Icardi, tani lojtar i Paris Saint-Germain pas huazimit nga Interi në verë.
“Synimi im është të vazhdoj të punoj fort dhe të bëhem njëri prej qendërsulmuesve më të fortë në botë”, shtoi ai.
“Unë mund të shënoj shumë gola dhe të punoj fort për t’i arritur synimet e mia”, theksoi ai. /Gazeta Express/