Nuk ka qenë një fillim sezoni shumë i mirë për Mauro Icardin, i detyruar të dalë në minutat e para të ndeshjes me Atalantën dhe i detyruar të mungojë në sfidën e fituar kundër Carpit.

Qendërsulmuesi argjentinas rrezikon të mungojë edhe në derbin kundër Milanit të dielën e ardhshme.

“Për momentin është i vetmi lojtar në dyshim për të dielën. Edhe pse po rikuperon, dhe ne shpresojmë që të zbresë në fushë”, ka thënë Piero Volpi, koordinator i stafit mjekësor të Interit.

Për sa i takon Stevan Jovetic, Volpi ka sqaruar se “Është mirë fizikisht, edhe pse është stërvitur me Manchesterin para se të vinte. Në rastin e tij nuk kemi evidentuar asnjë nga problemet fizike për të cilat është folur aq shumë”. /Telegrafi/