Sulmuesi i Manchester Unitedit, Zlatan Ibrahimovic është duke vazhduar shërimin e tij nga një lëndim serioz në gju dhe sipas disa raportimeve boshnjaku mund të kthehet në muajin dhjetor, transmeton zeri.info
Ish-sulmuesi Andy Cole thotë se Ibrahimovic mund të kthehet më herët se që ishte paraparë.
36-vjeçari është duke e rimarrë veten nga një lëndim i pësuar në ndeshjen ndaj Anderlechtit në prill dhe Cole, i cili gjithashtu është duke e rimarrë veten nga një transplantim i veshkës po në muajin prill, ka stërvitur së bashku me reprezentuesin suedez.
“Ai është duke u përmirësuar. Fola pak me Zlatanin kur ai ishte në palestër ditë e djeshme (e enjte). Mendoj se ai pret që të kthehet më shpejt, ndoshta në dhjetor apo janar”, deklaroi Cole.
