Menaxheri i Manchester Cityt, Manuel Pellegrini, ka konfirmuar se Vincent Kompany ka pasur një rikthim të lëndimit në muskulit në pjesën e poshtme të këmbës.

Kapiteni u detyrua ta lëshonte fushën vetëm dhjetë minuta pasi hyri në fushë, në fitoren ndaj Sunderlandit.

Kjo ishte paraqitja e tij e parë që nga muaji nëntor, por që nuk kaloi mirë.

“Momenti i vetëm i hidhur ishte lëndimi i Vincent Kompany”, ka thënë Pellegrini për BBC Sport.

“Është lëndimi i muskulit të kërcirit. Askush nuk e kupton. Ai u nxeh mirë, ka punuar gjatë javës normalisht. Është vështirë të kuptohet”, ka shtuar trajneri. /Telegrafi/