Profesorit të gjuhës angleze, Elmi Tahirit nga Podujeva, i është bllokuar llogaria bankare. Kjo për shkak se ai ia ka borxh KEK’ut një shumë prej më shumë se 1000 eurosh.

Tahiri i ka thënë KlanKosovës se po jeton në kushte të vështira pas bllokimit të mjeteve financiare.

Ai ka thënë se po jeton pa pagë dhe se paga e tij është e bllokuar.

“Më është rrezikuar jeta ime dhe e familjes time”, ka thënë Tahiri.

Ai ka thënë se është drejtuar në shumë adresa, përfshirë edhe Presidenten e Kryeministrin për t’u kërkuar ndihmë.

“Shteti po na trajton si kriminelë, por nuk jemi kriminelë”, ka thënë ai.