Kryeministri Isa Mustafa me vartësit e tij në emër të Kosovës, dhe diplomati Samuel Zhbogar në emër të Bashkimit Evropian, e bënë sefte fillimin e zbatimit të Marrëveshjes për Stabilizim dhe Asociim.
Për kryeqeveritarin Mustafa, kjo marrëveshje kontraktuale shënon një fazë të re të zhvillimit.
Derisa vetë Zhbogar nuk e mari fare fjalën, për kreun e Doganave të Kosovës, Lulzim Rafunën, kjo ditë është ishte ëndërr e kahmotshme që është bërë realitet.
Ndërkohë për të parin e Odës Ekonomike të Kosovës Safet Gërxhaliu, vitet 2015-2016, mund të quhen vitet e dialogut dhe komunikimit publiko-privat.
Marrëveshja e Stabilizim-Asocimit ndërmjet Kosovës dhe Bashkimit Evropian është nënshkuar në tetorin e vitit të kaluar në Strasburg, nga kryeministri Isa Mustafa dhe përfaqësuesja e lartë e BE-së Federica Mogherini.