Në ndeshjen e mbrëmshme gjysmëfinale të Kampionatit Evropian, Gjermania u mund nga Franca me rezultat 2:0.
Ndërsa, shumë njerëz po flasin për detajet e ndeshjes, një mesazh nga një politikane gjermane është kryelajmi i medieve gjermane, përcjell Telegrafi.
Ka qenë Beatrix von Storch, nga partia Alternativa për Gjermaninë, një parti e ekstremit të djathtë, që ka shkaktuar “tërmet” reagimesh në rrjetet sociale.
“Ndoshta herën tjetër duhet të luajë sërish kombëtarja e Gjermanisë”, shkroi ajo në rrjetet sociale.
Menjëherë pas publikimi të mesazhit kanë ardhur shumë reagime, të cilat kanë bërë që ajo ta fshijë mesazhin. /Telegrafi/
