Nënkryetari i Partisë Demokratike të Kosovës, Enver Hoxhaj ka bërë me dije se Hashim Thaçi në muajin shkurt do të bëhet president i vendit.

Ai ka thënë se koalicioni qeverisës i ka 89 deputetë dhe i ka votat e mjaftueshme për ta bërë kuorumin dhe për ta zgjedhur Thaçin president.

Hoxhaj ka thënë për ‘Epokën e re’ se Thaçi do ta fuqizojë pozitën e presidentit, duke fuqizuar kështu edhe shtetin.

Në këtë intervistë, Hoxhaj ka thënë se nuk ka pasur bisedime brenda PDK-së, por as me LDK-në për pasardhësin e Thaçit në MPJ.

Ai ka treguar se deri më tani në strukturat e partisë nuk është biseduar as për trashëgimtarin e Thaçit n[ PDK.

Sipas Hoxhajt, aktualisht është me rëndësi të tejkalohet situata në të cilën ndodhet Kosova dhe Thaçi të bëhet president. /Telegrafi/