Pas deklaratave të presidentit serb, Tomislav Nikoliq në Etiopi, se “njohja e Kosovës ka inspiruar Shtetin Islamik”, ka reaguar ish-kryediplomati i Kosovës, Enver Hoxhaj.

Ai, nëpërmes llogarisë së tij në Twitter, ka thënë se presidenti radikal i Serbisë, Nikoliq, ka fyer përsëri Kosovën duke e përdorur analogjinë e gabuar të terrorizmit për të dëmtuar Kosovë.

Hoxhaj ka vazhduar më tej duke thënë se Kosova është pjesë e koalicionit global kundër terrorizmit dhe se Serbia duhet të ndal taktikat që ngjajnë me terrorizëm kundër Pavarësisë së Kosovës.

Në një postim tjetër ai shton se ripranimi i Serbisë në OKB në vitin 2000 ka fuqizuar terrorin shtetëror dhe ka inkurajuar mosndëshkimin për gjenocid. /Telegrafi/