Ministri i Punëve të Kosovës, Enver Hoxhaj ka udhëtuar sot për në Poloni, ku do të marrë pjesë në Forumin e përbashkët të ministrave të jashtëm të vendeve të Vishegradit dhe Ballkanit Perëndimor.
Në një panel të përbashkët me temën “Evropa Qendrore dhe Ballkani: siguria në një botë gjithnjë e më të pasigurt. Si të përballemi me sfidat e reja?”, ministrat e jashtëm do të diskutojnë për sfidat e sigurisë në një botë ku pasiguria është vazhdimisht në rritje dhe përballjen me to, thuhet në një kumtesë për media.
Përveç temës së sigurisë, ministrat e jashtëm pjesëmarrës në këtë Forum do të diskutojnë tema të tjera si perspektiva europiane për vendet e Ballkanit, kriza e refugjatëve, transmeton Express.
Në margjina të Forumit të përbashkët të ministrave të jashtëm të vendeve të Vishegradit dhe Ballkanit Perëndimor, ministri Enver Hoxhaj do të zhvillojë edhe takime të ndara bilaterale me ministrat e shteteve pjesëmarrëse.
