Hoxha flet për efektet e rezultatit të zgjedhjeve: Fitorja ndihmon Abdixhikun për ta shkëputur LDK-në nga mentaliteti i së kaluarës

PUBLIKUAR

Analistët kanë diskutuar në “Debat Plus” në lidhje me efektin që mund të kenë rezultatet e zgjedhjeve lokale.

Analisti Ylli Hoxha thotë se 14 shkurti solli reformat më të rëndësishme në LDK e PDK, e që sipas tij u reflektuan në zgjedhje lokale.

“Pas 14 shkurtit efekti më i mirë ishte ndryshimi i lidershipit në LDK e PDK, ndryshimi i diskursit të tyre. LDK në disa komuna të Kosovë ka arritur të promovojë e madje edhe të fitojë me disa figura që nuk janë konvencionale për këtë parti”, tha ai, përcjell Telegrafi.

Hoxha thotë se fitorja në Prishtinë do t’i ndihmojë LDK-së për t’u shkëputur nga figurat e së kaluarës.

“Fitorja e Prishtinës do të jetë inkurajuese për Lumir Abdixhikun për të ecur me reforma dhe shkëputjen nga mentaliteti i së kaluarës”.

Analisti thotë se edhe PDK do të merr shembull nga performanca e mirë e Uran Ismailit.

“Ai edhe pse nuk fitoi por ja rriti seriozitetin partisë edhe në komunat tjera ku ishte në garë”.

Ai thotë se rezultati i dobët i 14 shkurtit, do të ndikojë në rikalibrimin e politikave të LVV-së.

“LVV do të duhet ta ndryshojë diskursin politik të deritanishëm. Të ndryshojë edhe qasjen ndaj burimeve njerëzore”, tha ndër të tjera Ylli Hoxha./Telegrafi/

 

SHIKO MË SHUMË

Jakup Krasniqi përfundon sot vizitën në Kosovë – në ora 15:00 niset për në Hagë

Ish-kryekuvendari, Jakup Krasniqi, pritet të largohet nga Kosova, të shtunën pas vizitës katërditore për...

Punime në rrjet, këto vende mbesin pa rrymë

KEDS ka njoftuar se cilat vende mbesin pa rrymë përkohësisht sot për shkak të...

QKUK paralajmëron rrënimin e objekteve pa leje në oborrin e saj: Hapësirat e uzurpuara me vite po u kthehen qytetarëve

Qendra Klinike Universitare e Kosovës ka paralajmëruar rrënimin e objekteve pa leje në oborrin...