Kandidati për kryeminstër i LDK’së, ka thënë për u.d së presidentit, Vjosa Osmanin, se me aderimin e saj në listën zgjedhore të VV’së për deputetë, ajo e vendosi në ballë logon e asaj partie.

Ai gjithashtu tha se në vend që të aderoi në listë me Kujtim Shalën dhe të tjerët në LDK, ajo zgjodhi Fitore Pacollin.

“Njerëzit e LDK-së do të qëndrojnë në LDK dhe në fund të fundit, secili do të marrë atë që e meriton, edhe ish kolegeje jonë do të marrë atë që meriton, në vend se të ishte në listë me Kujtim Shalën, Arben Gashin e të tjerët ajo do të jetë në listë me Fitore Pacollin e të tjerët, me atë marrëveshjen e djeshme ajo vendosi në ballë logon e VV-së, por votuesi i LDK-së do të qëndrojë në LDK dhe nuk do të shkojnë në listat tjera”, tha Hoti.

Ai potencoi faktin se kjo fushatë zgjedhor do të jetë mjaft e vështirë për faktin se janë përballë dy koncepte të kundërta.

KANDIDAT NGA LDK-DEGA LIPJAN JANË:

Shkelzen Hajdini, Vlora Limani Hajnuni, Kaltrina Demiri

Më poshtë gjeni postimin e plotë nga Hoti:

Lipjan, gur i fortë i kalasë shqiptare, LDK-së!

Përkushtim i paparë dhe atmosferë e jashtëzakonshme mbizotëronte në degën e shtëpisë politike të Presidentit historik, Dr.Ibrahim Rugova, LDK-së.

Faleminderit, Lipjan!

Strukturat dhe anëtarët tanë na pritën bashkë dhe me një porosi të artikuluar qartë: LDK-ja, Lipjani dhe Republika e Kosovës kanë një gjë të përbashkët: ZHVILLIMIN, ndaj dhe degradimin e prodhuar nga e majta ekstreme do ta refuzojmë gjithmonë.

Zoti e bekoftë Lipjanin!

Zoti e bekoftë LDK-në!