Het-triku i Martinezit ia dhuron Argjentinës fitoren bindëse kundër Meksikës

PUBLIKUAR

Lautaro Martinezi e mori të gjithë vëmendjen gjatë fitores bindëse të Argjentinës, me rezultat 4:0, në ndeshjen miqësore kundër Meksikës në Teksas, të martën.

Sulmuesi argjentinasi, Lautaro Martinez, e shënoi një het-trik mbresëlënës qysh në pjesën e parë, kur djemtë e Lionel Scalonit e dominuan plotësisht ndeshjen në minutat hapëse, transmeton Gazeta Express.

Sulmuesi i Interit ishte ylli i ndeshjen, duke shënuar tri herë si dhe duke i ndihmuar Argjentinës – që luante pa Lionel Messin e suspenduar – ta fitojnë një penallti, që u shndërrua në penallti nga Leandro Paredes.

Martinez u zëvendësua menjëherë pas përfundimit të pjesës së parë, pasi ia dha Argjentinës kontrollin e plotë në këtë ndeshje.

Kjo disfatë ishte një goditje e madhe për Meksikën, që s’kishte pasur asnjë disfatë më parë me trajneri Gerardo Martino, i cili u emërua në pozitën e trajnerit në janar.

Muajin tjetër, Argjentina do të përballet me Gjermaninë në një ndeshje miqësore, ndërsa Meksika do të takohet me Trinidadin, para se të fillojnë përballjet për Ligën e Kombeve të CONCACAF, kundër Bermudës dhe Panamasë. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...