Mesfushori brazilian, Hernanes, gjatë prezantimit te Juventusi është shprehur se ndihet krenar që gjendet te ky klub.
Futbollisti kreativ në ditët e fundit të afatit kalimtar u bashku me Bianconerët për një shumë prej 11 milionë eurosh dhe dy milionë të tjera bonuse.
“Është krenari dhe nder që prezantohem me këtë fanellë”, shkroi Hernanes në Instagram.
“Kam një motiv të madh për të bërë më të mirën në këtë eksperiencë të re. Jam i lumtur që kaloj në një tjetër klub të madh italian dhe në njërin prej qyteteve më të bukura në Itali, siç është Torino”.
“Po ashtu të bashkohem me njerëz shumë të mirë dhe profesionistë në njërin prej klubeve më të mëdha në Itali dhe në botë”, ka përfunduar braziliani.
Hernanes më parë ka luajtur te Lazio para se të kalonte tek Inter, në janar të vitit 2013 për 18 milionë euro. /Telegrafi/