Lucas Hernandez raportohet se ka informuar Bayern Munichin se dëshiron që të largohet gjatë verës.

Gazetari i njohur gjerman, Florian Plettenberg, bëri të ditur se francezi i ka informuar sot personalisht krerët e klubit për dëshirën e tij, shkruan Gazeta Express.

Hernandez thuhet gjithashtu se dëshiron që të transferohet te Paris Saint-Germaini.

27-vjeçari nuk do të rinovojë as kontratën e tij, e cila skadon në verën e vitit 2024.

Kësisoj, edhe Bayerni besohet se do ta lejojë mbrojtësin që të largohet këtë verë, për të mos e humbur falas vitin e ardhshëm.

“Bavarezët” kërkojnë 60 milionë euro për Hernandez, plus bonuse të tjera. /Gazeta Express/