Në fund të sezonit të kaluar, Eden Hazard u premtoi tifozëve të Real Madridit se do të jepte gjithçka për të pasur sukses me Los Blancos.

Ai e bëri këtë duke festuar titullin e 14-të të Ligës së Kampionëve në Cibeles, me një mikrofon në dorë para gati gjysmë milioni tifozëve.

“Madridistas, unë kam tre vjet këtu me shumë lëndime. Por vitin e ardhshëm do të jap gjithçka për ju,” tha ai.

Belgu ndjeu një zili të shëndetshme për shokët e tij të skuadrës duke pasur parasysh atë që ata arritën në fushë në La Liga Santander dhe Champions League.

“Dua të jem protagonist këtu”, u tha ai të afërmve, duke përjashtuar një largim në afatin kalimtar të verës javë pasi Carlo Ancelotti konfirmoi se do të ishte pjesë e skuadrës 2022/23.

Çelësi për Hazard, megjithatë, ishte kthimi i këtyre fjalëve në rezultate konkrete.

Pas kthimit në punë me Real Madridin, duket se ai nuk po bënte bllof.