Kandidati i PDK-së në Lipjan, Ismet Hajrullahu përmes një shkrimi ka ka falenderuar qytetarët për mbështetjen ndaj tij, dhe siq ka thënë ai forca për ndryshimin e madh, gjithnjë do të jetë përkrah jush!

Ky është postimi Hajrullahut:

Të dashur qytetarë të Komunës së Lipjanit,

Edhe pse rezultati i sotshëm nuk ishte rezultati për të cilin ne çdo ditë punuam kaq shumë gjatë muajit te fundit që ishim sëbashku, ne duhet të ndihemi krenarë për punën e palodhshme që kemi bërë.
Prandaj, unë ju falenderoj nga zemra secilit prej jush për mbështetjen që më keni dhënë mua dhe Partisë Demokratike të Kosovës.
Uroj që problemet e mëdha të cilat kurrë nuk ju ndanë komunës sonë, si ato të papunësisë, arsimit, ujit të pijëshëm, kanalizimit, barazisë gjinore, e shumë probleme të tjera, në krye me korrupsionin që padyshim eshte reflektuar edhe në kuadër të kësaj fushate, të zgjidhen sa më shpejt.