Për nder të 7 Marsit – Ditës së Mësuesit, Drejtoria Komunale e Arsimit në Lipjan ka organizuar ceremoninë e zgjedhjes së punëtorit të dalluar të vitit 2018, me ç’rast janë ndarë edhe mirënjohje për mësimdhënës të dalluar për secilën shkollë. Epitetin për mësimdhënësin e dalluar të vitit 2017-2018, këtë vit e mori Hajriz Rashiti arsimtar i TIK-ut, shkolla “Vëllëzërit Frashëri”, në Lipjan.
Gjatë ndarjes së çmimit, Rasim Hasani drejtori i Drejtorisë Komunale të Arsimit në Lipjan ka theksuar se ky çmim është ndarë për performancë pozitive të mësimdhënësit dhe rezultate të mira në garat nacionale në lëminë e robotikës.