Duke folur për herë të parë që prej akuzave tronditëse për racizëm të Yaya Toures, Pep Guardiola ka pyetur pse mesfushori i Bregut të Fildishtë nuk e kishte ngritur këtë çështje sa ishte në klub.
Toure largohet nga Manchester City këtë verë dhe ka pohuar ditë më parë se trajneri i tij në dy sezonet e fundit, dhe në sezone tjera të mëparshme në Barcelonë, ka probleme me lojtarët afrikanë, transmeton Gazeta Express.
Por, trajneri spanjoll i ka quajtur gënjeshtra komentet e Toures për racizëm.
“Janë gënjeshtra dhe ai e di”, ka thënë Guardiola për TV3.
“Kemi pasur dy vite së bashku dhe ai tani e gjen kohën për ta thënë këtë?”
“Kurrë nuk ma ka thënë në fytyrë”, insistoi ai. /Gazeta Express/


