Guardiola pas suksesit në Angli me Man City: Tani koha ta fitojmë Ligën e Kampionëve

PUBLIKUAR

Pep Guardiola e di se suksesi i Manchester Cityt të tij në futbollin anglez nuk do të vlejë asgjë nëse nuk ia del ta fitojë edhe Ligën e Kampionëve.

City e kompletoi tripletën e paparë vendore, duke u bërë skuadra e parë në konkurrencën e meshkujve që e fiton Premierligën, FA Cup dhe Carabao Cup brenda një sezone, transmeton Gazeta Express.

Guardiola e ka shndërruar Cityn në njërën prej skuadrave më të mirë në histori të futbollit anglez, e cila është e gatshme ta dominojë futbollin vendor edhe për shumë vjet të tjera, por mungesa e suksesit në Evropë mbetet një njollë e zezë ndaj saj.

Gjiganti anglez u eliminua nga Liga e Kampionëve në fazën çerekfinale nga Tottenhami, edhe pse në ligë përfundoi 27 pikë mbi të, dhe nuk ka arritur kurrë më larg se në gjysmëfinale.

Guardiola thotë se skuadra e tij tani duhet të arrijë sukses në Evropë.

“Kam thënë edhe më parë se e di që do të më gjykojnë në fund nëse nuk e fitoj Ligën e Kampionëve. E di se kurrë nuk do të mjaftojë nëse nuk e arrijmë këtë”, tha Guardiola.

“Njerëzit presin që unë të bëj diçka të veçantë dhe ta fitojë Ligën e Kampionëve dhe kjo është e vërtetë. Gara në Ligën e Kampionëve është shumë e fortë krahasuar me atë vendore, por na duhet ta fitojmë”, theksoi ai. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...