Trajneri i Bayern Munichut, Pep Guardiola, ka kërkuar nga të zgjedhurit e tij të qëndrojnë me këmbë në tokë pas fitores së thellë ndaj Borussia Dortmundit.
Bavarezët e shkelën me rezultat 5-1 konkurrentin për titull duke treguar forcën në Bundesliga.
Kjo ishte fitorja e tetë radhazi në po aq ndeshje në kampionat, ndërsa janë shtatë pikë larg pozitës së dytë në tabelë.
“Dua t’i uroj lojtarët. Vuajtëm në fillim dhe nuk krijuam shumë raste para golit të parë”.
“Fituam 5-1, por bëmë shumë gabime, të cilat duhet t’i korrigjojmë. Jemi të lumtur, sepse mposhtëm një prej skuadrave më të mira në Evropë”.
“Askush nuk e ka fituar titullin e Gjermanisë që tani. Duhet të qëndrojmë me këmbë në tokë”, ka deklaruar Guardiola. /Telegrafi/
