Guardiola i kundërpërgjigjet ashpër dy ish-futbollistëve të Manchester Unitedit

PUBLIKUAR

Pep Guardiola i është përgjigjur komenteve të bëra nga ish-lojtarët e Manchester United, Patrice Evra dhe Dimitar Berbatov, lidhur me karakterin e Manchester Cityt.

Pas eliminimit të Manchester Cityt nga Real Madridi në Ligën e Kampionëve, Evra akuzoi Guardiolën se nuk ishte në gjendje të prodhonte lojtarë me personalitet, shkruan Gazeta Express.

Francezi gjithashtu tha se Guardiola transferoi yje të mëdhenj në “Etihad Stadium” vetëm për shkak të pagave që ofroheshin.

Kurse, Berbatov për eliminimin e “Qytetarëve” në Ligën e Kampionëve tha se skuadrës i mungoi mentalitet fitues.

Këtyre komenteve Guardiola iu kundërpërgjigj duke e përmendur finalen e Ligës së Kampionëve të vitit 2009, ku Barcelona fitoi 2:0 ndaj Manchester Unitedit.

“Përgjigja është kaq e lehtë. Është i njëjti personalitet dhe karakter që humbëm në Madrid në dy ose tre minuta e fundit. Ish-lojtarët specialistë si Berbatov dhe Patrice Evra, këta lloj njerëzish, ishin aty dhe unë luaja kundër tyre. Kur luaja kundër tyre nuk e pashë këtë lloj personaliteti kur i shkatërrova. Ne (Barça) i shkatërruam ata, në finalen e Ligës së Kampionëve”, tha 51-vjeçari.

“Në katër ndeshjet e fundit kemi shënuar 22 gola me personalitet të jashtëzakonshëm. Personaliteti është ajo që kemi bërë në pesë vitet e fundit. Kjo është e rëndësishme”, shtoi Guardiola.

Barcelona kishte shënuar fitore 3:1 edhe në finalen e vitit 2011 ndaj Manchester Unitedit. Guardiola ishte edhe në atë kohë trajner i katalunasve, teksa Evra ishte pjesë e “Djajëve të Kuq”.

Ndryshe, tani, Manchester City i udhëhequr nga Pep Guardiola është rrugës për t’u shpallur sërish kampion në Premierligë.

“Qytetarët” janë në pozitën e parë me 89 pikë, tri më shumë se Liverpooli i pozitës së dytë.

Deri në përfundim të sezonit kanë mbetur për t’u zhvilluar edhe dy ndeshje. /Gazeta Express/

LAJME TË TJERA

Afërdita Dreshaj shfaq linjat trupore nga fitnesi

Modelja dhe këngëtarja, Afërdita Dreshaj ka disa kohë që nuk është aktive me ndonjë...

Inspektorëve serbë iu ndalen 40 për qind e pagave

Komisioni disiplinor ka marrë masa ndaj inspektorëve të cilët nuk kishin kryer përgjegjësitë e...

Specialja me hetime sekrete për rrjedhjen e dokumenteve të tyre

Dhomat e Specializuara i kanë shpallur fajtor ish-udhëheqësit e OVL e UÇK-së, Hysni Gucatin...

Gjuriq i lajmërohet Kurtit pasi e quajti Vuçiqin autokrat

Ambasadori i Serbisë në Shtetet e Bashkuara të Amerikës, Marko Gjuriq ka reaguar pasi...

SHIKO MË SHUMË

Kroos nuk ngutet për rinovimin e kontratës me Realin

Toni Kroos erdhi te Real Madridi në vitin 2014. Ai la pas Bayern Munich,...

Barcelona arrin marrëveshje me Lewandowskin, këto janë detajet

Negociatat mes Barcelonës dhe sulmuesit polak, Robert Lewandowski po ecin mjaft mirë dhe raportohet...

Dybala ka arritur marrëveshje me klubin e ri, zbulohen detajet

Paulo Dybala i dha fund me lot në sy eksperiencës në Juventus përpara tifozëve...