Kampioni aktual i Italisë, Juventus është me fat pasi në radhët e veta ka mbrojtës tejet cilësorë që kanë ditur të jenë deçizivë në fitoret dhe trofetë e saj.

Njëri ndër ta është edhe Leonardo Bonucci, i cili prej transferimit në Juventus nga Bari ka qenë shtyllë e mbrojtjes bardh e zi.

Reprezentuesi italian pas paraqitjeve të mira ka zgjuar interesimin e trajnerit spanjoll Pep Guardiola.

Sipas medieve italiane Guardiola e dëshiron Bonuccin në verë tek skuadra e tij e re Manchester City.

28-vjeçari ka kontratë me Juventusin, por një ofertë prej 30 milionë euro mund të bëjë që ai të ndërrojë mjedis. /Telegrafi/