Një grafit i ri është shfaqur sot në qendër të Prishtinës, përkatësisht në rrugën “Rexhep Luci” tek kinemaja ABC, ku protagonist është kryeministri Isa Mustafa.
Grafiti shpërfaq portretin e Mustafës me mbishkrimin Wanted si dhe me mesazhet ”seksist, i korruptuar dhe shumë të tjera”, njofton Klan Kosova.
Më herët në grafite ishte portretizuar edhe presidentja Atifete Jahjaga , zëvendëskryeministri Hashim Thaçi dhe javën e kaluar edhe kryeministri Isa Mustafa u shpërfaq në një të tillë në qytetin e Pejës.
Më së shumti reagime pati ngjallur grafiti për Jahjagën i cili ishte konsideruar si seksist.
