Grabovci: Nëse s’përmbushen obligimet, shkojmë në zgjedhje të parakohshme

PUBLIKUAR

Shefi i Grupit Parlamentar i Lidhjes Demokratike të Kosovës, Ismet Beqiri pas mbledhjes së Kryesisë së Kuvendit tha se Qeveria aktuale është stabile dhe nuk ka arsye të shkohet në zgjedhje.

Mirëpo, i të njëjtit mendim nuk është edhe deputeti i Partisë Demokratike të Kosovës, Adem Grabovci.

I kontaktuar nga Indeksonline, ai ka theksuar se në rast të mos përmbushjes së obligimeve dhe mos marrjes së përgjegjësive në mënyrë serioze, zgjedhjet padyshim se janë të nevojshme.

“Kur merr obligime dhe përgjegjësi për realizimin e obligimeve atëherë ato duhen realizuar. Në rastin konkret koalicioni qeverisë lidhur me proceset që janë duke u zhvilluar, duhet të dëshmojë vetveten dhe t’i arsyetojnë përgjegjësit që i kanë marrë para qytetarëve të Kosovës dhe t’i arsyetojnë ato në mënyrën e duhur nga udhëheqja e institucioneve”, ka thënë Grabovci.

Sipas deputetit të PDK-së, zgjedhjet mund të mbahen në përputhje me afatet ligjore pra kushtetuese por në momentin kur institucionet nuk funksionojnë, jeta institucionale bllokohet atëherë zgjedhjet mund të jenë e vetmja zgjidhje.

“Kosova nuk mund të mbetet peng i dëshirave të minoritetit serb, por Kosova duhet të ecë përpara, të funksionojë jeta në Kosovë që është në interes të gjithë qytetarëve, madje edhe të atyre serb dhe kurrsesi nuk lejohet që një grup njerëzish të instrumentalizuar nga Beogradi, me politikë dashakeqe nga Beogradi karshi Kosovës, që proceset jetike për vendin si demarkacioni dhe asociacioni por edhe krijimi i Ushtrisë të mbeten peng në përjetësi. Duhet edhe njëherë e mirë të kuptojnë minoriteti serb, të fillojnë të ndërtojnë jetën e tyre në Kosovë sepse Kosova është shteti i tyre, shtëpia e tyre dhe vendi i tyre”, ka shtuar Grabovci, shkruan Indeksonline.

Ai thotë se Lista Serbe është e obliguar me përgjegjësi para qytetarëve të Kosovës të arsyetojë dëshirën për të krijuar kushte më të mira për jetën e tyre, për zhvillimin ekonomik dhe në kuadër të këtyre hyjnë, demarkacioni, asociacioni dhe krijim ii ushtrisë nëse duan krijim të jetës më të mirë dhe më të sigurt.

Ndryshe duhet përkujtuar që prej shumë muajsh, demarkacioni dhe asociacioni vazhdojnë të jenë dy ndër temat më të “zvarritura” në vend kështu duke mos u arritur procedimi i tyre në Kuvend./Indeksonline/

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...