Shefi i Grupit Parlamentar të Partisë Demokratike të Kosovës, Adem Grabovci ka vlerësuar se kjo çfarë po ndodh në 7 muajt e fundit rresht, sidomos brenda Kuvendit të Kosovës, është e paparë dhe e papranueshme.

“Shpreh keqardhje që një pjesë e opozitës që kanë hyrë në një agjendë të huaj që kanë për qëllim shkatërrimin e shtetit”, ka thënë Grabovci.

“A ka absurditet më të madh se sa në një shtet të sulmohet kryeministri i vendit. Të arrestohen njerëz dhe pas disa orësh të lirohen aktorët. A është drejtësi kur gjykatat tona u krijojnë mundësi atyre që kryejnë krimin, tu mundësojnë të kthehen në vendin e krimit për të vazhduar në vendin e njëjtë. Kjo është e palejueshme. Mendoj kolegë të nderuar deputetë, ne nuk mund të lejojmë deri në pafundësi në këtë formë”, ka thënë më tej Grabovci. /Telegrafi/