Vullnet Basha, vëllai i Migjenit, tregoi edhe një herë që është një prej lojtarëve më të mirë për ekipin e tij Ponferradina në Segunda Division, duke shënuar golin e parë në fitoren 2-1 të ekipit të tij këtë të diel.

Basha shënoi një gol mjaft të bukur duke i hapur rrugën fitores 2-1 të Ponferradinas që tashmë ka shpresa të mëdha për mbijetesë, transmeton TCH. Ky ishte goli i tij i tretë në këtë sezon në Spanjë.

Një paraqitje të shkëlqyer ka bërë edhe Migjen Basha në Serie B me Como, e cila fitoi 4-0 në ndeshjen ndaj Spezias. Megjithatë, ekipi ku aktivizohet mesfushori kuqezi ka rënë një ligë më poshtë prej javësh.

Me këtë fitore Ponferradina renditet në vendin e 18, ndërsa është tre pikë larg ekipit që është një pozitë më poshtë e që dërgon në Segunda Division B.