Drejtori i të ashtuquajturës Zyra për Kosovë në Qeverinë e Serbisë, Marko Gjuriq, ka qëndruar sot në fshatin Banjë të komunës së Skenderajt. Më këtë rast, ai ka thënë se Serbia do të vazhdojë të mbështesë serbët e këtij rajoni të cilët jetojnë të rrethuar tërësisht nga shqiptarët.

Në varrezën e “Shën Nicholas” në fshatin Banjë, Gjuriq ka folur para fshatarëve dhe bashkëpunëtorëve të tij për problemet që kanë ata.

I pranishëm në këtë takim ishte edhe një ministër i Qeveris e Kosovës. Bëhet fjalë për Ljubomir Mariq, të cilin shpesh herë e kemi parë të shoqëruar me zyrtarë të qeverisë serbe.

“Mbështetja që ju merrni nga Serbia do të vazhdojë, të ardhurat e juaja, shteti juaj do të jetë këtu në çdo masë të mundshme për të cilët ne nuk mund të merremi me të,” ka thënë Gjuriq, duke theksuar se lufta për çdo milimetër të ndikimit dhe të drejtat e serbëve në Kosovë do të jetë direkt dhe indirekt e vendosur, shkruan Tanjug, transmeton Indeksonline.

Sipas tij, e rëndësishme është tërheqja e vëmendjen nga Serbia për problemet që njerëzit përballen këtu.

“Ne duhet të gjithë së bashku të bëjmë të kuptojnë se problemet e popullit tonë janë problemet e shtetit tonë të Serbisë”, ka thënë ai.

“Kjo është arsyeja pse unë sot jam këtu që të tërheq vëmendjen për sfidat dhe dëmin me të cilat përballën njerëzit tanë në këto vende, pra duhet inkurajuar njerëzit që të kenë qëllime të mira, ka deklaruaR ai.

Gjuriq thuhet të ketë kërkuar nga ministri Ljubomir Mariq që të punoj në zgjidhjen e problemit të infrastrukturën në këtë fshat të Kosovës.

Ky i fundit ka thënë se ministria që ai drejton këtë vit ka ndarë një projekt për komunën e Skënderajt, duke theksuar se parimi i barazisë është prioritet i rëndësishëm,

Mediat serbe raportojnë së në fshatin Banjë jetojnë rreth 350 pjesëtarë të komunitet serb.