Reperi i njohur, Unikkatil, ka surprizuar fansat e tij me një dedikim special për banorin e Big Brother VIP Albania, Gjestin.

Në një postim në Instagram, Unikkatil ka shpërndarë një fotografi të Gjestit brenda shtëpisë, duke e etiketuar atë në përshkrimin e postimit, ndërsa ka shpërndarë një citat që është shkruar nga vetë Gjesti.

Në fotografi, Gjesti duket i qetë dhe i fokusuar, ndërkohë që ka shkruar një mesazh për Unikkatil: “Unikkatil, një foto me ty pas Big Brother”. Ky ishte një apel nga Gjesti për të realizuar një foto bashkë pas përfundimit të lojës së Big Brother VIP Albania:

Përgjigjja e Unikkatil ishte plot humor: “Haha, ok lajmëromu kur ta kryesh.”

Ky shkëmbim mes reperit dhe banorit të njohur ka tërhequr menjëherë vëmendjen e fansave të të dyve.

Gjesti, i cili është shndërruar në një fenomen që nga hyrja e tij në Big Brother VIP Albania, ka pasur një ndikim të madh dhe është bërë një nga emrat më të komentuar në shoqërinë shqiptare. /Telegrafi/