Gjendja me COVID-19 në Kosovë: Rreth 29 mijë raste aktive

PUBLIKUAR

Dje në Kosovë janë regjistruar gjashtë vdekje dhe 3 mijë e 917 raste të reja me koronavirus. Në mesin e viktimave ishte një person i grup-moshës 0-9 vjeç, derisa numri më i madh i personave të infektuar është ai i grup-moshës 10 -19 vjeç, gjithsej 955.

Rastet e reja dolën pas testimit të 15,268 mostrave. Nga kjo shifër i bie se 25.65 për qind e të testuarve kanë rezultuar pozitivë me COVID-19.

Në Kosovë, aktualisht janë 28 mijë e 751 raste aktive me koronavirus.

Deri më tani, të vaksinuar plotësisht me dy doza të vaksinës janë 803,638 persona.

Ndryshe, Kuvendi i Kosovës dje nuk i ka miratuar rekomandimet e partive opozitare, që kanë të bëjnë me masat kufizuese kundër COVID-19.

Gjatë seancës së jashtëzakonshme lidhur me situatën epidemiologjike me COVID-19, opozita e ka akuzuar Qeverinë për masat e fundit kundër përhapjes së koronavirusit dhe se nuk e ka menaxhuar si duhet situatën me pandeminë.

Qeveria e Kosovës i ka arsyetuar masat e reja duke thënë se kanë për qëllim ngadalësimin e rritjes së numrit të rasteve me koronavirus, pasi që kapacitetet spitalore nuk do të mund të përballonin një fluks të madh të hospitalizimeve.

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...