Organizata Joqeveritare YAHR nëpër mes një komunikate  ka shprehur shqetësimin mbi gjendjen e rrugës nacionale, që përshkruan aksin rrugor nga hekurudha në dalje të Lipjanit deri tek udhëkryqi që gjendet afër fermës së pulave.

“Organizata Joqeveritare YAHR nëpër mes kësaj komunikate shpreh shqetësimin mbi gjendjen e rrugës nacionale, që përshkruan aksin rrugor nga hekurudha në dalje të Lipjanit deri tek udhëkryqi që gjendet afër fermës së pulave. Ky aks rrugor ka mbetur në mëshirën e askujt, pa përkujdesje të institucioneve qendrore dhe atyre lokale edhe pse këtyre të fundit nuk është në kompetencën e tyre”, thuhet në Komunikatë.

Ky aks rrugor nuk është riparuar asnjë herë në tërësi që nga asfaltimi i parë deri me sot me përjashtim të ndonjë rasti kurrë është intervenuar për mbylljen e ndonjë grope.

Po ashtu YAHR tha se:Kohë të fundit është dëmtuar shumë kjo shihet edhe nga fotot që janë bashkangjitur kësaj komunikate, ku janë hapur gropat të thella që rrezikojnë qarkullimin dhe dëmtimin e automjeteve, por njëkohësisht janë krijuar parakushte për krijimin e rreziqeve për këmbësorët që qarkullojnë për rreth këtij aksi rrugore, për shkak që shoferët e automjeteve duke i ikur gropave munden që ti aksidentojnë edhe këmbësorët. YAHR-i nëpër mes komunikate i bon thirrje Komunës së Lipjanit që të bëjë presion tek Ministria e Infrastrukturës që të parashikojë që të rregullohet ky aks rrugor në tërësi gjatë këtij viti, transmeton LipjaniNews