Mesfushori kolumbian, Jamez Rodriguez duket gjithnjë e më larg Real Madridit.

Ylli i Kampionatit Botëror ‘Brazil 2014’, është nxjerrë në shitje nga skuadra e tij Real Madrid.

E destinacioni i ardhshëm i tij pritet të jetë mes Anglisë, Italisë dhe Gjermanisë.

Kampionati anglez duket më i mundshëm, pasi janë katër skuadra të mëdha që po e kërkojnë kolumbianin.

Arsenal, Chelsea, Manchester United dhe Manchester City janë vënë pas tij.

Ndërkohë edhe Juventus në Serie A dhe Bayern Munich në Bundesliga po e kërkojnë lojtarin.

Gjithsesi ajo skuadër që ofron mbi 40 milionë euro do të mund ta transferojë Rodriguezin. /Telegrafi/