Njësia Rajonale e Komunikacionit Rrugor në DRP-Gjakovë është duke zbatuar në vazhdimësi planet operative me qëllim ngritjen e sigurisë në komunikacionin rrugor.

Me këtë rast policia ka konfiskuar 104 motoçikleta për kundërvajtje tejkalim të shpejtësisë së lejuar, mos vendosje të helmetës mbrojtëse, mungesë të regjistrimit të mjetit, mospagim të detyrimeve doganore.

“Përveç masave ndëshkuese ndaj motoçiklistëve, gjatë katër (4) ditëve të fundit janë shqiptuar gjithsej 765 gjoba për kundërvajtje të ndryshme. Përveç gjobave të shqiptuara janë konfiskuar 33 patentë shoferë të drejtuesve të mjeteve të ndryshme, për shkelje të rënda të rregullave të qarkullimit rrugor.Qëllimi kryesor i këtyre masave është garantimi i sigurisë rrugore dhe parandalimi i aksidenteve fatale” thuhet në njoftim. LipjaniNews