Trajneri i Uellsit, Ryan Giggs, është shfaqur i zemeruar me lojtarët e tij pas humbjes 1-0 ndaj Shqipërisë, në një ndeshje miqësore të martën në Elbasan.
Goli i Bekim Balajt nga penalltia pas një ore lojë qe i mjaftueshëm për Shqipërinë t’i mposhtë vizitorët nga Uellsi në “Elbasan Arena”, transmeton Gazeta Express.
Giggs ka thënë se lojtarët i tij ishin të vetëkënaqur dhe kjo nuk i ka pëlqyer atij aspak.
I pyetur sa e rëndësishme ishte kjo ndeshje ndaj Shqipërisë, Giggs ka thënë: “Është ndeshja e fundit deri në mars, është e fundit këtë vit për ne, dhe donim të fitonim. Ndaj Danimarkës luajtëm mirë, ndoshta merituam më shumë. Sot nuk luajtëm mirë, dhe morëm atë që meritonim. Nuk shënuam ato raste që patëm, dhe morëm humbjen që meritonim.
“Kam besim te ekipi, lojtarë të mirë, vetëm se sot nuk kishin përqendrim. Por, është një grup i mirë. Ndonjëherë, fiton më shumë kur humb një ndeshje”, shtoi Giggs. /Express
