Partnerja e futbollistit të famshëm Cristiano Ronaldo, Georgina Rodriguez, ka lënë mënjanë veshjet super seksi me të cilat shfaqet zakonisht dhe me rastin e Krishtlindjes është veshur si elf.
Modelja është fotografuar nga paparacët kur ajo u largua nga shkolla e Cristiano Jr pasi ndoqi festën e Krishtlindjes së djalit të futbollistit.
Georgina shfaqet e veshur me pantallona jeshile, me një këmishë me vija, jelek të kuq, kapelen klasike dhe këpucët karakteristike të elf.
Ndërkohë më vonë, Georgina postoi në “Instagram” një foto ku shfaqej me Ronaldon dhe fëmijët, teksa uroi me këto fjalë: “Gëzuar Krishtlindjet. Ju uroj gjithë lumturinë e botës dhe mbi të gjitha mos të mungojë shëndeti dhe dashuria në shtëpitë tona”.
