Shkëlzen Gashi vazhdon të shkëlqejë në kampionatin amerikan MLS.

Edhe pse nuk është grumbulluar nga trajneri i Shqipërisë, Gianni De Biasi për dy ndeshjet e Kombëtares, Gashin nuk e ka penguar kjo gjë që të shënoi.

Sulmuesi i rrezikshëm ka qenë titullar si gjithmonë me skuadrën e tij Colorado Rapids në udhëtim tek Houston Dynamo ku shënuan fitore të merituar 2-3.

Ka qenë minuta e 79-të e ndeshjes kur Gashi pranoi një top të bukur nga bashkëlojtari i tij Azira dhe me një goditje të fortë jashtë 16 metërshit mposhti portierin vendas.

Ky ishte goli i tetë i Gashit në MLS, ndërsa përveç golave ai ka asistuar edhe në katër raste të tjera.

Pas kësaj fitore Colorado Rapids është në pozitën e dytë me 54 pikë, dy më pak se lideri Dallas por edhe një ndeshje më pak të zhvilluar. /Telegrafi/